178
اسرائیل نے فوجی بیس پر ہونیوالے حملے میں اسرائیلی آرمی چیف کی ہلاکت کی تردید کردی۔
اسرائیل کی جانب سے گزشتہ روز شمالی اسرائیل میں فوجی بیس پر ہونیوالے حملے میں اسرائیلی آرمی چیف لیفٹیننٹ جنرل ہرزی ہالیوی کی ہلاکت کی تردید کردی گئی ہے۔
واضح رہے کہ گزشتہ روز شمالی اسرائیل پر حزب اللہ کے ڈرون حملے میں 4 اسرائیلی فوجی جان کی بازی ہار گئے اور 60 سے زائد اسرائیلی فوجی شدید زخمی ہوئے۔
غیر ملکی میڈیا کے مطابق 7 اکتوبر 2023 کے بعد ہلاک اور زخمی ہونیوالے فوجیوں کی تعداد سے متعلق اسرائیلی فوج پر ہونے والا سب سے بڑا حملہ ہے۔
غیر ملکی میڈیا کا کہنا ہے کہ لبنان سے آنیوالے ڈرون کی جانب سے اسرائیلی فوج کی گولانی بریگیڈ کی ٹریننگ بیس کو نشانہ بنایا گیا، حملے کے وقت بیس پر موجود فوجی کھانے کے لیے میس میں جمع تھے۔
حملے کے بعد سوشل میڈیا پر مختلف اکاؤنٹس نے یہ دعویٰ کیا کہ اس ڈرون حملے میں اسرائیلی آرمی چیف بھی ہلاک ہوگئے۔
