9
نوشہرہ: نقاب پوش موٹرسائیکل سواروں نے فائرنگ کر کے خواجہ سرا کو قتل کر دیا۔
پولیس کے مطابق نوشہرہ میں مقتول خواجہ سرا شگفتہ ایک تقریب سے واپسی پر تھی کہ راستے میں علاقہ کاہی کے قریب 2 موٹرسائیکلوں پر سوار 4 نامعلوم افراد نے اس پر فائرنگ کی، جس کے نتیجے میں وہ جاں بحق ہو گئی۔
پولیس نے مقتول کی لاش قاضی حسین احمد میڈیکل کمپلیکس منتقل کر دی ہے اور واقعے کی تحقیقات شروع کر دی گئی ہیں۔
پولیس حکام کے مطابق مقتول کے ساتھی کی مدعیت میں نامعلوم ملزمان کے خلاف مقدمہ درج کر لیا گیا ہے اور مزید تفتیش جاری ہے۔
دوسری جانب ڈنگہ میں 14 سالہ لڑکے کے ساتھ مبینہ زیادتی کا انتہائی افسوناک واقعہ سامنے آیا ہے۔
ایف آئی آر کے مطابق، متاثرہ بچہ سبزی لینے بازار گیا تھا، تاہم جب وہ واپس نہ آیا تو والد نے اس کی تلاش شروع کی۔ پولیس نے واقعے کی تحقیقات شروع کر دی ہیں۔
