پشاور، مشیر اطلاعات خیبرپختونخوا بیرسٹر ڈاکٹر سیف کا کہنا ہے کہ دہشتگردی پر قابو پانے کیلئے افغانستان سے بات چیت کرنا ناگزیر ہے۔
اپنے ایک بیان میں بیرسٹر سیف نے کہا کہ وفاق نہ خود افغانستان سے بات کر رہا ہے اور نہ ہمیں بات کرنے دے رہا ہے، وفاق نے افغانستان سے بات چیت کیلئے طے شدہ ٹی او آرز سرد خانے میں ڈال دیئے ہیں۔
بیرسٹر سیف کا کہنا ہے کہ وفاق تماشا دیکھنے کے بجائے دہشتگردی کے خلاف ٹھوس حکمت عملی بنائے، خیبرپختونخوا کے عوام اور سکیورٹی فورسز قربانیاں دے رہے ہیں، دہشتگردی صرف کے پی کا نہیں پورے ملک کا مسئلہ ہے، دہشتگردی کے قومی مسئلے کے حل کیلئے قومی یکجہتی ضروری ہے۔
بیرسٹر سیف نے کہا کہ اندرونی و بیرونی سطح پر دہشتگردی روکنے کیلئے عملی اقدامات کئے جائیں، پختونخوا حکومت دہشتگردی کے بڑھتے ہوئے واقعات پر شدید تشویش کا اظہار کر رہی ہے۔
دوسری جانب کرپشن کیس کی سماعت کے دوران چیئرمین سینیٹ یوسف رضا گیلانی اور وفاقی انسدادِ بدعنوانی عدالت کے جج کے درمیان دلچسپ تبادلہ خیال ہوا۔
چیئرمین سینیٹ یوسف رضا گیلانی کے خلاف ٹڈاپ کرپشن اسکینڈل کی سماعت اینٹی کرپشن کورٹ کراچی میں ہوئی۔
