Gujrat میں Punjab Food Authority کی جانب سے خوراک کے معیار کو بہتر بنانے کے لیے انسپکشن مہم جاری ہے۔ یہ کارروائیاں ڈپٹی ڈائریکٹر رضوان سعید کی ہدایات پر عمل میں لائی جا رہی ہیں۔
حکام کے مطابق ضلع بھر میں مجموعی طور پر 112 انسپکشنز کی گئیں، جن کے دوران مختلف خلاف ورزیوں پر 46 امپروومنٹ نوٹسز جاری کیے گئے۔ اس کے علاوہ 9 فوڈ بزنسز پر مجموعی طور پر 1 لاکھ 20 ہزار روپے کے جرمانے بھی عائد کیے گئے۔
انسپکشن کے دوران 7 کلوگرام مضر صحت اور ممنوعہ اشیاء کو تلف کیا گیا جبکہ 10 لیٹر زائد استعمال شدہ آئل بھی ضائع کر دیا گیا۔ مزید برآں ایک فوڈ پوائنٹ کو ناقص حالات کے باعث فوری طور پر کام بند کرنے کا حکم دیا گیا۔
گجرات میں فوڈ اتھارٹی کی کارروائیاں، 97 ہزار روپے جرمانہ عائد
پنجاب فوڈ اتھارٹی کا کہنا ہے کہ شہریوں کو محفوظ اور معیاری خوراک کی فراہمی یقینی بنانے کے لیے ایسی کارروائیاں مسلسل جاری رہیں گی، اور قوانین کی خلاف ورزی کرنے والوں کے خلاف بلا امتیاز سخت قانونی اقدامات کیے جائیں گے۔
