186
متحدہ قومی موومنٹ پاکستان نے 26 ویں آئینی ترامیم کی حمایت کیلئے اپنا مطالبہ حکومت کے سامنے پیش کردیا۔
وفاقی دارالحکومت اسلام آباد میں وزیراعظم شہباز شریف سے ہونیوالی ملاقات میں ایم کیو ایم کے وفد نے آئینی ترمیم کی حمایت کے بدلے حکومت سے بلدیاتی اداروں کو بااختیار بنانے کا مطالبہ کردیا۔
ذرائع کے مطابق ایم کیو ایم نے مطالبہ کیا کہ بلدیاتی اداروں کو بااختیار بنانے سے متعلق متحدہ قومی موومنٹ کے مسودے کو ترمیم کا حصہ بنایا جائے۔
واضح رہے اس سے قبل ایم کیوایم کے رہنما فاروق ستار کہہ چکے ہیں کہ آئینی ترامیم کسی اصول پر نہیں بلکہ سیاسی مفادات کی بنیاد پر ہو رہی ہے۔
