پاکستانی کرکٹر صاحبزادہ فرحان نے نیپال سے وطن واپس پہنچنے کے بعد قومی کرکٹ ٹیم کو جوائن کرلیا ہے۔ ذرائع کے مطابق انہیں صائم ایوب کی جگہ اسکواڈ میں شامل کیا گیا ہے اور وہ سری لنکا کے خلاف میچ میں سلیکشن کے لیے دستیاب ہوں گے۔
صائم ایوب کی جگہ اسکواڈ میں شمولیت
ذرائع کا کہنا ہے کہ صاحبزادہ فرحان قومی ٹیم کے ساتھ شامل ہوگئے ہیں اور سری لنکا کے خلاف میچ کے لیے ان کے انتخاب پر غور کیا جاسکتا ہے۔
اس سے قبل پاکستان کرکٹ بورڈ (پی سی بی) نے صائم ایوب کی درخواست پر انہیں اسکواڈ سے ریلیز کردیا تھا۔ صائم ایوب نے ڈومیسٹک کرکٹ میں اپنی بیٹنگ پر کام کرنے کے لیے ٹیم سے ریلیز کرنے کی درخواست کی تھی، جسے منظور کرلیا گیا۔
پی سی بی نے صائم ایوب کو اسکواڈ سے ریلیز کردیا، صاحبزادہ فرحان طلب
پاکستان اور سری لنکا کا میچ آج
پاکستانی ٹیم تین ملکی سیریز میں مسلسل 3 فتوحات حاصل کرنے کے بعد فائنل کے لیے کوالیفائی کرچکی ہے۔ قومی ٹیم سیریز کے پانچویں میچ میں آج، منگل 27 اکتوبر کو لاہور کے قذافی اسٹیڈیم میں سری لنکا کے مدمقابل ہوگی۔
صاحبزادہ فرحان کی شمولیت سے قومی ٹیم کو بیٹنگ کے شعبے میں ایک اضافی آپشن میسر آئے گا، تاہم حتمی پلیئنگ الیون کا فیصلہ ٹیم انتظامیہ کرے گی۔
