255
ہیلمٹ کے بغیر موٹر سائیکل سواروں کے شہر میں داخلے پر پابندی عائد کردی گئی۔
لاہور، آج سے ہیلمٹ کے بغیر موٹر سائیکل سواروں کے لاہور شہر میں داخلے پر پابندی عائد کر دی گئی ہے۔
سٹی ٹریفک پولیس کا کہنا ہے کہ شہر کی متعدد شاہراہوں پر بھی بغیر ہیلمٹ موٹرسائیکل سواروں کا داخلہ بند کرنے کا فیصلہ کیا گیا ہے اس متعلق مال روڈ، جیل روڈ، فیروزپور روڈ، کینال روڈ، مین بولیوارڈ پر خصوصی چیک پوائنٹس قائم کئے گئے ہیں۔
قانون پر عملدرآمد کے لئے شوق چوک، شوکت خانم، لیک سٹی سمیت داخلی و خارجی راستوں پر وارڈنز تعینات کیے گئے ہیں۔
سٹی ٹریفک پولیس کے مطابق ہیلمٹ بازو میں لٹکانے، ٹینکی پر رکھنے پر بھی چالان کیا جائے گا، سی ٹی او لاہور کے مطابق بغیر ہیلمٹ موٹر سائیکل سواروں کو 2000 روپے جرمانہ کیا جائے گا۔
