سرکاری افسران کے اثاثے دسمبر 2026 سے عوام کے لیے جزوی طور پر پبلک کرنے کا فیصلہ کیا گیا ہے، جس کے تحت تمام افسران کو اپنے اثاثے ڈیجیٹل نظام کے ذریعے ڈکلیئر کرنا ہوں گے۔
سینیٹ کی قائمہ کمیٹی برائے خزانہ کو دی گئی بریفنگ میں بتایا گیا کہ اس نئے نظام کے لیے فیڈرل بورڈ آف ریونیو کے آئی ٹی پلیٹ فارم کو استعمال کیا جائے گا، جہاں سرکاری افسران اپنے مالی اثاثے آن لائن ظاہر کریں گے۔
اجلاس میں یہ بھی بتایا گیا کہ اثاثوں کے ڈیٹا میں غیر معمولی اضافہ یا مشکوک تبدیلی پر خودکار طور پر “ریڈ فلیگ” سسٹم کے ذریعے نشاندہی کی جائے گی تاکہ احتساب کا عمل مزید مؤثر بنایا جا سکے۔
سپریم کورٹ کی ہدایت، اسلام آباد ہائیکورٹ ایمان مزاری کی سزا معطلی درخواستوں پر فیصلہ کرے
حکام کے مطابق نئے نظام کے تحت اثاثوں کا کچھ حصہ عوامی رسائی کے لیے بھی دستیاب ہوگا، تاہم حساس معلومات کو محفوظ رکھا جائے گا۔
اسی اجلاس میں کسٹمز انفورسمنٹ کراچی سے متعلق ایک معاملہ بھی زیر بحث آیا، جہاں مبینہ طور پر خشک دودھ کے ہزاروں بیگز کی نیلامی کم قیمت پر کیے جانے پر سوالات اٹھائے گئے۔ کمیٹی نے اس معاملے پر تفصیلی رپورٹ طلب کر لی ہے۔
مزید بتایا گیا کہ ایف بی آر کے گوداموں میں آگ لگنے کے واقعات اور کوئٹہ میں ضبط شدہ چاندی کے وزن میں فرق جیسے معاملات کی بھی تحقیقات جاری ہیں، اور ملوث افسران کو معطل کر دیا گیا ہے۔
