9
برطانوی خبر ایجنسی نے ذرائع کے حوالے سے رپورٹ کیا ہے کہ جے ڈی وینس ایران سے متعلق مذاکرات کے لیے ابھی تک پاکستان روانہ نہیں ہوئے۔
اس سے قبل ڈونلڈ ٹرمپ نے بیان دیا تھا کہ امریکی نائب صدر جے ڈی وینس اسلام آباد کا دورہ کریں گے اور منگل کو وہاں پہنچیں گے، تاہم تازہ اطلاعات کے مطابق ان کی روانگی میں تاخیر ہو گئی ہے۔
ٹرمپ کا دعویٰ: امریکی نمائندے مذاکرات کے لیے اسلام آباد جا رہے ہیں
رپورٹ میں کہا گیا ہے کہ تاحال یہ واضح نہیں ہو سکا کہ دورے میں تاخیر کی وجوہات کیا ہیں، جبکہ ایران سے متعلق ممکنہ مذاکرات بھی غیر یقینی صورتحال کا شکار دکھائی دے رہے ہیں۔
