5
Peshawar میں افغان فنکاروں کی جانب سے پاکستان میں قیام اور ویزوں کے حصول کے لیے دائر درخواست پر سماعت کے دوران پشاور ہائی کورٹ نے اہم ہدایات جاری کر دیں۔
عدالت نے درخواست گزار فنکاروں کو ہدایت کی کہ وہ اپنی درخواستیں براہِ راست وزارت داخلہ کو پیش کریں۔ کیس کی سماعت جسٹس وقار احمد کی سربراہی میں دو رکنی بینچ نے کی، جہاں درخواست گزار کے وکیل نے مؤقف اختیار کیا کہ 109 افغان فنکار پاکستان میں رہنے کی اجازت چاہتے ہیں۔
وکیل کے مطابق افغانستان میں موجودہ حالات کے باعث فنکاروں، خصوصاً موسیقی سے وابستہ افراد کو شدید خطرات لاحق ہیں، جس کی وجہ سے وہ اپنے ملک واپس جانے سے قاصر ہیں۔
عدالت نے اس معاملے پر فوری فیصلہ دینے کے بجائے متعلقہ حکومتی ادارے سے رجوع کرنے کی ہدایت کی، تاکہ قانونی طریقہ کار کے تحت ان درخواستوں پر غور کیا جا سکے۔
