متحدہ عرب امارات کے دارالحکومت ابوظبی کے ائیرپورٹ سے آج 6 مارچ سے محدود کمرشل پروازوں کی بحالی کا اعلان کر دیا گیا ہے۔
یو اے ای حکام کے مطابق سیکیورٹی صورتحال کا تفصیلی جائزہ لینے اور متعلقہ اداروں سے مشاورت کے بعد پروازوں کو دوبارہ شروع کرنے کا فیصلہ کیا گیا ہے۔ ابتدائی مرحلے میں ابوظبی کی ایک ائیرلائن چند اہم بین الاقوامی شہروں کے لیے محدود تعداد میں پروازیں چلائے گی۔
ائیرلائن حکام کا کہنا ہے کہ جن مسافروں کے پاس پہلے سے ٹکٹ موجود ہیں انہیں نئی پروازوں میں ایڈجسٹ کیا جائے گا۔ حالات بہتر ہونے کے ساتھ مزید شہروں کے لیے پروازیں مرحلہ وار بحال کی جائیں گی۔
جنگ جاری رہی تو تیل کی قیمت 150 ڈالر فی بیرل تک جا سکتی ہے:قطر
حکام کے مطابق 28 فروری تک جاری کیے گئے ٹکٹ رکھنے والے مسافر بغیر کسی اضافی فیس کے نئی بکنگ کروا سکتے ہیں جبکہ 21 مارچ تک کی پروازوں کے مسافر چاہیں تو ٹکٹ کا ریفنڈ بھی حاصل کر سکتے ہیں۔
ابوظبی ائیرپورٹ انتظامیہ نے مسافروں کو ہدایت کی ہے کہ تصدیق شدہ ٹکٹ یا ائیرلائن کی باقاعدہ اطلاع کے بغیر ائیرپورٹ آنے سے گریز کریں تاکہ کسی بھی ممکنہ پریشانی سے بچا جا سکے۔
