افغانستان کی جانب سے پاکستانی طیارہ گرانے کے دعوے پر پاکستان نے سخت ردعمل دیتے ہوئے اسے مکمل طور پر غلط اور بے بنیاد قرار دیا ہے۔
ترجمان دفترِ خارجہ طاہر حسین اندرابی نے نجی ٹی وی سے گفتگو کرتے ہوئے کہا کہ افغان طالبان کی جانب سے پاکستانی طیارہ گرائے جانے کا دعویٰ جھوٹ پر مبنی ہے۔ ان کا کہنا تھا کہ متعلقہ حکام سے تصدیق کے بعد واضح ہو گیا ہے کہ ایسا کوئی واقعہ پیش نہیں آیا۔
انہوں نے کہا کہ پاکستان اس قسم کے بے بنیاد الزامات کو مسترد کرتا ہے اور حقائق کے برعکس پروپیگنڈا پھیلانے کی کوششوں کو سنجیدگی سے دیکھ رہا ہے۔
افغان طالبان باز نہ آئے تو ان کا وجود ختم ہو جائے گا، رانا ثنااللہ
دوسری جانب سیکیورٹی ذرائع کے مطابق پاک فضائیہ نے قندھار میں افغان فوج کے مبینہ ہیڈکوارٹرز کو نشانہ بنایا، جبکہ افغان صوبے ننگرہار کے مہمند دھارا بیس میں بھی دو اہداف کو ٹارگٹ کیا گیا ہے۔
خطے میں جاری کشیدگی کے باعث صورتحال تیزی سے بدل رہی ہے اور دونوں ممالک کے درمیان بیانات اور جوابی دعوؤں کا سلسلہ جاری ہے۔
