10
وفاقی آئینی عدالت نے اسلام آباد ہائیکورٹ کے 5 ججز کی انٹرا کورٹ اپیل کی سماعت کے لیے تاریخ مقرر کر دی ہے۔
چیف جسٹس امین الدین خان کی سربراہی میں 6 رکنی لارجر بینچ 24 نومبر کو ساڑھے 11 بجے اپیل پر سماعت کرے گا۔ بینچ میں جسٹس حسن رضوی، جسٹس باقر نجفی، جسٹس کے کے آغا، جسٹس روزی خان اور جسٹس ارشد حسین شاہ بھی شامل ہوں گے۔
خیال رہے کہ سپریم کورٹ کے 5 رکنی بینچ نے اسلام آباد میں ججز کے تبادلے کو درست قرار دیا تھا، جس کے خلاف متاثرہ ججز نے وفاقی آئینی عدالت میں انٹرا کورٹ اپیل دائر کی تھی۔
