انسداد دہشت گردی کی عدالت نے 26 نومبر کے جلاؤ گھیراؤ کیس میں وزیراعلیٰ خیبرپختونخوا سہیل آفریدی اور پی ٹی آئی کے صوبائی صدر جنید اکبر کے گرفتار کرنے کے وارنٹ جاری کر دیے ہیں۔
عدالتی حکم کے بعد پولیس اسلام آباد میں واقع خیبرپختونخوا ہاؤس پہنچی تاکہ وارنٹ کے مطابق کارروائی کی جا سکے۔
ذرائع کے مطابق وارنٹ کے ساتھ پہنچنے کے بعد خیبرپختونخوا ہاؤس کے عملے نے وارنٹ وصول کیے، تاہم اس وقت سہیل آفریدی ہاؤس میں موجود نہیں تھے۔ پولیس کی نفری تھوڑی دیر کے لیے وارنٹ کی تعمیل کے لیے موجود رہی اور پھر واپس چلی گئی۔
سنی اتحاد کونسل کے رہنما صاحبزادہ حامد رضا گرفتار، سینٹرل جیل منتقل
خیبرپختونخوا حکومت کے ترجمان نے کہا کہ سوشل میڈیا پر وزیراعلیٰ اور صوبائی صدر کی ممکنہ گرفتاری کی افواہیں گردش کر رہی ہیں۔ انہوں نے تصدیق کی کہ وزیراعلیٰ خیبرپختونخوا اس وقت پشاور میں موجود ہیں اور تھانہ سیکرٹریٹ کے ایس ایچ او اور اہلکار وارنٹ کی تعمیل کے لیے آئے تھے۔
