40
فیصل آباد سے سنی اتحاد کونسل کے مرکزی رہنما اور رکن قومی اسمبلی صاحبزادہ حامد رضا کو پولیس نے گرفتار کر کے فیصل آباد سینٹرل جیل منتقل کر دیا ہے۔
پولیس کے مطابق صاحبزادہ حامد رضا پر احتجاجی تحریکوں کے دوران حساس اداروں پر حملے کے مقدمات درج تھے، جن کے نتیجے میں مقامی عدالت نے انہیں 40 سال قید کی سزا سنائی تھی۔
پولیس کافی عرصے سے ان کی گرفتاری کے لیے کوشاں تھی تاہم مختلف وجوہات کی بنا پر یہ ممکن نہیں ہو سکا تھا۔
یاد رہے کہ صاحبزادہ حامد رضا نے رواں برس ستمبر میں تحریک تحفظ آئین پاکستان کے سیکرٹری انفارمیشن کے عہدے سے استعفیٰ دے دیا تھا۔ ان کے مطابق یہ استعفیٰ پارٹی کی ہدایات پر دیا گیا تھا۔
