دینہ پولیس کی کارروائی، زیادتی کا جھوٹا مقدمہ درج کروانے والا ملزم گرفتار

ڈی پی او جہلم طارق عزیز سندھو کی ہدایت پر ایس ایچ او تھانہ دینہ اور ٹیم نے کارروائی کرتے ہوئے جھوٹا زیادتی کا مقدمہ درج کروانے والے ملزم کو گرفتار کر لیا۔

ترجمان جہلم پولیس کے مطابق ملزم نے تھانہ دینہ میں ایک زیادتی کا مقدمہ درج کروایا، تاہم تفتیش کے دوران مقدمہ جھوٹا ثابت ہوا جس پر پولیس نے فوری کارروائی کرتے ہوئے ملزم کو گرفتار کر لیا۔

ڈی پی او جہلم طارق عزیز سندھو کا کہنا ہے کہ جھوٹے مقدمات درج کروا کر پولیس کے وقت اور وسائل ضائع کرنے والے افراد کے خلاف قانون کے مطابق کارروائی کی جائے گی اور سرکاری وسائل کا غلط استعمال کرنے والے عناصر کے ساتھ سختی سے نمٹا جائے گا۔