16
ملک میں سونے کی تیزی سے بڑھتی ہوئی قیمت میں کمی کا رجحان برقرار ہے اور آج بھی فی تولہ سونے کی قیمت میں نمایاں کمی دیکھی گئی۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 1400 روپے سستا ہو کر اب 4 لاکھ 44 ہزار 900 روپے کا ہو گیا ہے۔
اسی طرح 10 گرام سونے کی قیمت میں 1200 روپے کمی ہوئی، جس کے بعد نئی قیمت 3 لاکھ 49 ہزار 656 روپے ہو گئی ہے۔
عالمی مارکیٹ میں بھی سونے کی قیمت میں کمی ریکارڈ کی گئی، جہاں فی اونس سونا 17 ڈالر سستا ہو کر 4235 ڈالر فی اونس پر آ گیا ہے۔
ماہرین کے مطابق مقامی اور بین الاقوامی سطح پر سونے کی قیمتوں میں اتار چڑھاؤ کا سلسلہ جاری رہنے کا امکان ہے۔
