24
لاہور کے علاقے اچھرہ میں 20 سالہ گھریلو ملازم کی پھندا لگی لاش ملی، پولیس کے مطابق واقعہ بظاہر خودکشی ہے تاہم پوسٹ مارٹم کے بعد اصل حقائق سامنے آئیں گے۔
لاہور: اچھرہ کے علاقے میں ایک گھر سے 20 سالہ نوجوان کی پھندا لگی لاش برآمد ہوئی ہے۔
پولیس کے مطابق متوفی کی شناخت ارشدکے نام سے ہوئی ہے جو مانسہرہ کا رہائشی تھا اور اچھرہ وِنڈ سر پارک کے ایک گھر میں ملازم تھا۔ واقعے کے وقت گھر کی فیملی اسلام آباد گئی ہوئی تھی اور نوجوان اکیلا موجود تھا۔
فیملی کے واپس آنے پر گھر کے ائیرکنڈیشنر کے باکس سے نوجوان کی لا ش ملی جس پر پولیس کو اطلاع دی گئی۔
ابتدائی تحقیقات کے مطابق واقعہ بظاہرخودکشی معلوم ہوتا ہے تاہم پولیس نے لاش کو پوسٹ مارٹم کے لیے منتقل کر کےقتل سمیت دیگر پہلوؤں پر تحقیقات شروع کر دی ہیں۔
