لاہور: پاکستان مسلم لیگ (ن) کے صدر اور سابق وزیراعظم نواز شریف نے کہا ہے کہ بہادر مسلح افواج نے پیشہ ورانہ مہارت سے سرزمین وطن کا دفاع کیا جبکہ سیاسی قیادت نے قومی سلامتی کے معاملے پر یکجہتی کا مظاہرہ کر کے بالغ نظری کا ثبوت دیا۔
جاتی امرا میں اہم ملاقات
نواز شریف سے چیئرمین قائمہ کمیٹی برائے امور خارجہ عرفان صدیقی نے جاتی امرا میں ملاقات کی، جس میں:
- پارلیمانی پارٹی کی کارکردگی رپورٹ پیش کی گئی،
- حالیہ سیکیورٹی صورتحال اور ملکی بیانیے پر تفصیلی تبادلہ خیال کیا گیا۔
قومی یکجہتی اور پارلیمنٹ کا کردار
نواز شریف نے کہا: "قومی سلامتی کے معاملے پر سیاسی تقسیم بھلا کر ایک آواز میں بولنا خوش آئند ہے۔ پارلیمنٹ نے موثر کردار ادا کرتے ہوئے عوام کی ترجمانی کی اور افواج پاکستان کا حوصلہ بڑھایا۔”
انہوں نے پاکستانی میڈیا کی کارکردگی کو سراہتے ہوئے کہا کہ: "پاکستانی میڈیا نے سچ پر مبنی بیانیہ دنیا کے سامنے رکھا اور دشمن کے جھوٹ کو بے نقاب کیا۔”
نواز شریف کا کہنا تھا کہ: "ہم اس عظیم کامیابی پر اللہ تعالیٰ کا بے پایاں شکر ادا کرتے ہیں، جس نے ہمیں اس کڑے امتحان میں سرخرو کیا۔”
