27
لاہور، وزیراعلیٰ پنجاب مریم نواز کی جانب سے بھارت سے علاج ادھورا چھوڑ کر واپس آنے والے پاکستانی مریضوں کے مکمل اور مفت علاج کی ہدایت کر دی گئی۔
بھارت میں زیرعلاج متعدد پاکستانی مریض، جن میں جگر اور گردے کے ٹرانسپلانٹ سمیت دیگر سنگین امراض میں مبتلا افراد شامل ہیں مختلف وجوہات کی بنا پر اپنا علاج مکمل کئے بغیر وطن واپس آگئے ہیں۔
وزیراعلیٰ پنجاب کی جانب سے واضح کیا گیا کہ بھارت سے آنیوالے مریضوں کو تنہا نہیں چھوڑیں گے، اُن کا علاج پنجاب میں ہر صورت یقینی بنایا جائے گا۔
وزیراعلیٰ مریم نواز کی جانب سے محکمہ صحت کو ہدایت کی گئی ہے کہ ان مریضوں کا فوری طور پر ڈیٹا اکٹھا کیا جائے اور سرکاری سطح پر ان کو مکمل اور معیاری علاج فراہم کیا جائے۔
حکومت پنجاب انسانی ہمدردی کی بنیاد پر ہر ممکن مدد فراہم کرے گی تاکہ مریضوں اور ان کے اہل خانہ کو مزید اذیت سے نہ گزرنا پڑے۔
