وی آئی پیز کی سیکیورٹی کیلئے 5 نئی جیمرز گاڑیاں خریدنے کی منظوری دیدی گئی

لاہور، پنجاب میں وی آئی پیز کی آمدورفت اور سیکیورٹی کے لیے 5 نئی جیمر گاڑیوں کی خریداری کی منظوری دی گئی ہے۔

صوبائی کابینہ نے گاڑیوں کی خریداری کی اجازت کے بعد ٹینڈر جاری کر دیے ہیں۔

یہ بھی پڑھیں

مراسلے کے مطابق پانچ امپورٹڈ لینڈ کروزرز پراڈو کے لیے 46 کروڑ 72 لاکھ روپے کے فنڈز مختص کیے گئے ہیں، جن میں سے 2 امپورٹڈ لینڈ کروزرز کے لیے 24 کروڑ اور تین امپورٹڈ لینڈ کروزرز پراڈو کے لیے 22 کروڑ 70 لاکھ روپے رکھے گئے ہیں۔

گاڑیوں کی فراہمی کے لیے کمپنیز سے بڈز مانگے گئے ہیں جو آج کے دن قواعد و ضوابط کے مطابق کھولے جائیں گے۔

ایس او پیز کے مطابق بڈ سیکیورٹی جمع کروا کر حصہ لینے والوں کے ٹینڈرز کھولے جائیں گے اور یہ عمل اے آئی جی پروکیورمنٹ کی موجودگی میں مکمل کیا جائے گا۔

رواں مالی سال کے دوران گاڑیوں کی خریداری مکمل کر کے جیمرز کی تنصیب کر کے اسپیشل برانچ کے حوالے کر دی جائیں گی۔

شیئر کریں: