فٹبال پریزینٹر کے لباس پر تنقید، سوشل میڈیا پر نئی بحث چھڑ گئی

معروف اسپورٹس پریزینٹر ایلینورا انکارڈونا کو ایک میچ کی میزبانی کے دوران متنازع لباس پہننے پر شدید تنقید کا سامنا ہے۔

میڈیا رپورٹس کے مطابق، یووینٹس اور انٹر میلان کے درمیان ہونے والے میچ میں ڈیزن اسپورٹس چینل کی پریزینٹر ایلینورا انکارڈونا نے ایک ایسا لباس زیب تن کیا جو صارفین کے مطابق "ٹرانس پیرنٹ” اور غیر موزوں تھا۔

سوشل میڈیا پر لاکھوں فالوورز رکھنے والی انکارڈونا کی تصاویر وائرل ہوئیں، جس کے بعد کئی صارفین نے ان پر کڑی تنقید کی۔ بعض نے اسے "اسپورٹس براڈکاسٹنگ کے اصولوں کے خلاف” قرار دیا، جبکہ کچھ نے کہا کہ "میچ پر توجہ دینے کے بجائے پریزینٹر کے لباس پر بحث ہو رہی ہے”۔

تاہم، ایلینورا انکارڈونا نے اس معاملے پر ابھی تک کوئی باضابطہ ردعمل نہیں دیا۔