125
موسمیاتی ماہرین نے امریکا کی 17 ریاستوں کو خطرناک طوفان کے خدشے سے آگاہ کر دیا۔
غیر ملکی میڈیا کے مطابق کیلیفورنیا، کینٹکی، مسیسیپی، ایلی نوائے، ٹینیسی، مسوری اور الباما سمیت وسطی اور مشرقی امریکی ریاستیں شدید طوفان کی لپیٹ میں آسکتی ہیں۔
محکمہ موسمیات کے مطابق یہ ایک بڑا اور تباہ کن طوفان ہوگا جو جمعہ سے اتوار تک مختلف ریاستوں پر اثر انداز ہوسکتا ہے۔
ماہرین نے خبردار کیا ہے کہ ملک کے وسطی علاقوں میں جمعہ کی رات سے ہفتے کی صبح تک دو درجن سے زائد طوفان ٹکرا سکتے ہیں۔
میڈیا رپورٹس کے مطابق طوفان کے باعث کئی علاقوں میں سیلابی صورتحال پیدا ہونے کا خدشہ ہے، جبکہ تیز ہواؤں، بگولوں اور برفباری کے باعث معمولات زندگی شدید متاثر ہوسکتے ہیں۔
دوسری جانب، کیلی فورنیا میں سیلابی ریلے میں پھنسے ایک کار سوار کو ہیلی کاپٹر کی مدد سے بحفاظت نکال لیا گیا۔
