53
پنجاب، ضلع سرگودھا میں بیرون ملک نوکری کا جھانسہ دیکر 5 افراد نے لڑکی سے اجتماعی زیادتی کا نشانہ بنا ڈالا۔
نجی ٹی وی چینل کے مطابق سرگودھا پولیس کا بتانا ہے کہ 22 سالہ دوشیزہ کو تشویشناک حالت میں ڈی ایچ کیو اسپتال پہنچا دیا گیا۔
پولیس کی جانب سے اجتماعی زیادتی کا شکار لڑکی کے والد کی درخواست پر تھانہ جھال چکیاں میں مقدمہ درج کرلیا گیا۔
پولیس کے مطابق دھریمہ نواب کالونی کی رہائشی لڑکی کو ثمر بٹ بیرون ملک بھجوانے کے لیے انٹرویو دلوانے کے لیے لے کر گیا۔
والد امان اللہ کی جانب سے الزام لگایا گیا کہ ثمر بٹ اور اس کے 4 دوست نامعلوم مقام پر لیجا کر لڑکی کو اجتماعی زیادتی کا نشانہ بناتے رہے، حالت غیر ہونے پر ملزمان لڑکی کو ڈی ایچ کیو اسپتال چھوڑ کر فرار ہوگئے۔
واقعہ کی اطلاع ملتے ہی ڈی پی او سمیت دیگر افسران بھی تھانہ جھال چکیاں پہنچ گئے، ڈی پی او سرگودھا کا کہنا ہے کہ ملزمان کی گرفتاری کے لیے چھاپہ مار ٹیم تشکیل دیدی گئی ہیں۔
