اسلام آباد، صدر پاکستان آصف علی زرداری کا کہنا ہے کہ چین کی ترقی دنیا کیلئے خطرہ نہیں ہے۔
دورہ چین کے موقع پر چینی سرکاری میڈیا کو دیئے گئے انٹرویو کے دوران صدر زرداری نے کہا کہ گزشتہ چند دہائیوں کے دوران چین کی تیز رفتار ترقی اور تبدیلی نے بہت متاثر کیا، چین کے ہر شخص کا اپنے شعبے میں بہترین کام، قوم کے اجتماعی فائدے کا باعث بن رہا ہے۔
آصف زرداری نے کہا کہ چین کا عروج ایک مثبت پیشرفت ہے، اس سے خوفزدہ ہونے کی ضرورت نہیں، ہم دہائیوں سے چین کے پڑوسی ہونے کے ناطے جانتے ہیں کہ چین دوسرے ممالک کے اندرونی معاملات میں مداخلت نہیں کرتا۔
چینی خارجہ پالیسی کی تعریف کے دوران صدر پاکستان صدر زرداری نے کہا کہ یہ خطے میں استحکام کا ذریعہ ہے، چین کی ترقی دنیا کیلئے مثبت قدم ہے۔
اسکے علاوہ صدر زرداری کی جانب سے پاک چین دوستی،اقتصادی اور سفارتی تعاون کو مزید گہرا کرنے پر زور دیا گیا۔
دوسری جانب سندھ حکومت کی جانب سے 19 فروری کو حضرت لعل شہباز قلندر کے عرس پر عام تعطیل کا اعلان کر دیاگیا۔
نوٹیفکیشن کے مطابق عام تعطیل کا اعلان 19 فروری کو حضرت لعل شہباز قلندر کے عرس پر کیا گیا ہے، 19 فروری کو تمام سرکاری اور نیم سرکاری دفاتر بند رہیں گے۔
