ریاض میں سعودی وزیر دفاع خالد بن سلمان نے فیلڈ مارشل عاصم منیر سے ملاقات کے بعد ایران پر زور دیا ہے کہ وہ "عقلمندی سے کام لے اور کسی غلط فہمی سے گریز کرے”۔
یہ بیان اس وقت سامنے آیا ہے جب ایران نے جنگ کے آغاز کے بعد سے سعودی عرب پر بار بار میزائل اور ڈرون حملے کیے ہیں۔ ملاقات کے بعد سعودی وزیر دفاع نے سوشل نیٹ ورک ایکس پر لکھا کہ دونوں رہنماؤں نے سعودی عرب پر ایرانی حملوں اور انہیں روکنے کے لیے مشترکہ اسٹریٹجک دفاعی معاہدے کے تحت ضروری اقدامات پر تبادلہ خیال کیا۔
تیل سپلائی: ہنگامی حالات میں پاکستان سے بھرپور تعاون جاری رکھنے کا سعودی عزم
انہوں نے مزید کہا کہ اس طرح کے اقدامات خطے کی سلامتی اور استحکام کے لیے خطرہ ہیں اور توقع کی جاتی ہے کہ ایرانی فریق دانشمندی سے کام لے گا۔ ملاقات میں مشترکہ اسٹریٹجک دفاعی اقدامات، خطے کی سیکیورٹی، اور ممکنہ بحرانوں کے پرامن حل پر بھی تفصیلی بات چیت کی گئی۔
