ایران کے صدر مسعود پزشکیان نے واضح کیا ہے کہ پڑوسی ممالک کے خلاف کسی قسم کا حملہ یا میزائل داغنے کی پالیسی نہیں ہوگی، جب تک کہ ان ممالک کی سرزمین سے ایران پر کوئی جارحیت نہ کی جائے۔
صدر نے اپنے بیان میں کہا کہ عبوری لیڈرشپ کونسل نے پڑوسی ممالک کے خلاف عسکری کارروائی نہ کرنے کی منظوری دے دی ہے۔ انہوں نے اس بات پر زور دیا کہ ایران کسی بھی علاقائی ملک کے ساتھ دشمنی نہیں رکھتا اور پڑوسی ممالک سے اپنے تعلقات بہتر بنانے کے لیے معذرت خواہ ہے۔
مزید برآں، مسعود پزشکیان نے کہا کہ موجودہ تنازعات کے حل کے لیے ثالثی کی کوششیں ان ممالک کی طرف سے ہونی چاہئیں جنہوں نے اس تنازع کو شروع کیا۔ انہوں نے سماجی رابطے کی ویب سائٹ ایکس پر بیان دیا کہ کچھ ممالک پہلے ہی ثالثی کے اقدامات کر چکے ہیں۔
ایرانی صدر: پاکستان ہمارا دوسرا گھر ہے، اسرائیلی جارحیت کے خلاف حمایت پر شکر گزار ہیں
صدر نے واضح کیا کہ ایران خطے میں امن کے قیام کے لیے سنجیدہ ہے، تاہم ملکی خود مختاری اور وقار کے دفاع میں کوئی ہچکچاہٹ نہیں برتی جائے گی۔
