10 سالہ بچہ چاقو کے وار سے ہلاک کردیا گیا۔
چین، شینزین شہر میں جاپانی اسکول کے قریب 10 سال کا بچہ چاقو کے حملے میں جان کی بازی ہار گیا۔
غیر ملکی میڈیا کا کہنا ہے کہ بچے پر اسکول جاتے ہوئے 44 سالہ مشتبہ حملہ آور نے چاقو سے وار کیا کہ جسے موقع پر ہی حراست میں لے لیا گیا۔
چینی وزارت خارجہ کا کہنا ہے کہ چاقو حملے میں اپنی جان گنوانے والا بچہ جاپانی شہری ہے، بچے کے والد جاپانی شہری اور والدہ چینی شہری ہیں۔
غیر ملکی میڈیا کے مطابق افسوسناک واقعے کے پیش نظر دونوں ممالک اس واقعے پر رابطے میں ہیں۔
دوسری جانب غیر ملکی میڈیا کے مطابق ریاست بیہار کے ضلع نوادہ میں بدھ کی شام کو درجنوں گھروں کو آگ لگانے کا انتہائی افسوسناک واقعہ پیش آیا ہے۔
پولیس کا کہنا ہے کہ واقعے کی اطلاع ملتے ہی پولیس اور فائر بریگیڈ کے عملے کیساتھ موقع پر فوری پہنچ گئی اور آگ پر قابو پایا۔
پولیس کا کہنا ہے کہ علاقہ مکینوں نے بتایا کہ ایک گروہ نے گھروں کو آگ لگانا شروع کی جب کہ گھروں کو نذر آتش کرنے کے ساتھ ساتھ ہوائی فائرنگ بھی کی گئی۔
