32
سابق وفاقی وزیر فواد چوہدری کیخلاف توہین الیکشن کمیشن کیس کی سماعت 10 دسمبر تک ملتوی کر دی گئی۔
چیف الیکشن کمشنر سکندر سلطان راجہ کی سربراہی میں 3 رکنی بینچ کی جانب سے سابق وفاقی وزیر فواد چوہدری کے خلاف توہین الیکشن کمشن کیس کی سماعت کی گئی۔
سماعت کے دوران سابقہ وزیر کی جانب سے ایک بار پھر الیکشن کمیشن سے معافی مانگ لی گئی اور تحریری معافی نامہ الیکشن کمیشن میں جمع کروا دیا۔
سکندر سلطان کی جانب سے یہ موقف اختیار کیا گیا کہ 2 کیسز میں معافی مانگ چکا ہوں، پورے پاکستان میں انسداد دہشت گردی عدالتوں کے چکر کاٹ رہا ہوں جس پر چیف الیکشن کمشنر کا کہنا تھا کہ آپ تحریری جواب جمع کرائیں۔
فواد چوہدری کا کہنا تھا کہ توہین کا معاملہ تو معافی تلافی پر ختم ہو جاتا ہے جس پر ممبر بلوچستان کی جانب سے جواب دیا گیا کہ ایسے تو پھر روز ہوتا رہے گا۔
اسکے بعد الیکشن کمیشن نے مقدمے کی مزید سماعت 10 دسمبر تک ملتوی کردی۔
