139
سابق صدر ڈونلڈ ٹرمپ پر قاتلانہ حملہ کرنیوالے شخص کو گرفتار کرلیا گیا ہے۔
ریپبلکن کے صدارتی امیدوار ڈونلڈ ٹرمپ پر ایک اور قاتلانہ حملے کی اطلاعات سامنے آئی ہیں، پولیس کی جانب سے ایک مشتبہ شخص کو حراست میں لے لیا گیا ہے۔
ڈونلڈ ٹرمپ پر فائرنگ فلوریڈا میں ویسٹ پام بیچ میں واقع ٹرمپ گالف کلب کے قریب ہوئی، ڈونلڈ ٹرمپ اس وقت گالف کھیل رہے تھے۔
ڈونلڈ ٹرمپ پر گالف کھیلنے کے دوران ایک مسلح شخص کی جانب سے نشانہ باندھنے کو ایف بی آئی کے حکام نے قاتلانہ حملے کی کوشش قرار دیا ہے۔
پولیس کا کہنا ہے کہ مشتبہ شخص رائفل چھوڑ کر فرار ہو گیا تھا، جسے مارٹن کاؤنٹی سے حراست میں لیا گیا ہے، دوسری جانب ڈونلڈ ٹرمپ کا کہنا ہے کہ محفوظ اور ٹھیک ہوں، کبھی ہار نہیں مانوں گا۔
واضح رہے کہ 2 ماہ قبل بھی 13 جولائی کو ریاست پنسلوانیا کی ریلی میں ٹرمپ پر قاتلانہ حملہ ہوا تھا۔
