اسلام آباد، وزیر اعلیٰ خیبر پختونخوا علی امین گنڈا پور نے کہا کہ وزیراعظم شہباز شریف کی اس طرح کی بات چیت کرنا نامناسب ہے کہ احتجاج میں گولی نہیں چلی، اس طرح کی باتوں سے اجتناب کرنا چاہیے۔
اسلام آباد میں میڈیا سے گفتگو کے دوران وزیراعلیٰ خیبر پختونخوا علی امین گنڈا پور نے کہا کہ 26 نومبر کی بات وزیراعظم نے خود کی، علی امین گنڈا پور کا کہنا ہے کہ 58 زخمی اور 13 شہید ہیں، 45 تاحال لاپتہ ہیں لیکن وزیراعظم کی اس طرح کی بات چیت کرنا نامناسب ہے کہ وفاقی دارالحکومت میں احتجاج کے دوران گولی نہیں چلی۔
وزیراعلیٰ خیبرپختونخوا نے کہا کہ وزیراعظم پاکستان کو اس طرح کی باتوں سے اجتناب کرنا چاہیے، اگر کوئی تحفظات ہیں تو بات کرنی چاہیے۔
وزیراعلیٰ پختونخوا کے مطابق اپیکس کمیٹی کا اہم اجلاس تھا، سکیورٹی ادارے ملکر کام کر رہے ہیں، پاکستان ترجیح ہے اس کے لیے ملکر بات کریں گے اور مل کر ہی دہشتگردی کے خاتمے کا فیصلہ ہوا ہے۔
علی امین گنڈاپور کے مطابق اسحاق ڈار نے کہا کہ یہ معاملات مذاکراتی کمیٹی میں بات کریں گے، افغانستان کے حوالے سے بھی بات ہوئی ہے، میں نے جرگے کی تجویز دی ہے، ابھی کوشش ہو سکتی ہے۔
