123
مقبوضہ مغربی کنارے پر 5 روز سے جاری اسرائیلی آپریشن میں اسلامی جہاد کے ارکان سمیت 29 فلسطینی شہید ہوگئے۔
الخلیل شہر میں مسلح افراد کی شدید فائرنگ سے 3 اسرائیلی پولیس اہلکار ہلاک ہوگئے، جنین کیمپ میں محصور فلسطینی خوراک، پانی اور بجلی سے بھی محروم ہوگئے۔
مغربی کنارے پر اسرائیلی ڈرون حملے میں مزید 1 فلسطینی شہید اور دوسرا شدید زخمی ہوگیا۔
دوسری جانب غزہ میں اقوام متحدہ کی انسداد پولیو مہم کا آغاز ہوگیا اور اسرائیل کی جانب سے ویکسی نیشن کے دوران حملوں میں وقفہ دینے سے انکار کردیا گیا۔
ادھر اسرائیلی طیاروں نے غزہ شہر کے پناہ گزین اسکول پر بمباری شروع کردی جس سے 11 فلسطینی شہید ہوگئے، اسرائیلی فوج نے شمالی اور وسطی غزہ میں بھی فضائی حملے کیے جسکے نتیجے میں 10 فلسطینی شہید ہوگئے۔
دوسری جانب رفح شہر سے 6 اسرائیلی مغویوں کی لاشیں برآمد ہوئیں ہیں، جس پر حماس نے کہا کہ یرغمالی اسرائیلی حملوں میں ہلاک ہوئے۔
