الطاف حسین کی طبیعت پھر بگڑ گئی ، ہسپتال منتقل کر دیا گیا

 متحدہ قومی موومنٹ (ایم کیو ایم) کے بانی الطاف حسین کی طبیعت ایک بار پھر ناساز ہو گئی، جس پر انہیں فوری طور پر قریبی اسپتال منتقل کر دیا گیا ہے۔

ایم کیو ایم کے مرکزی اطلاعاتی شعبے کے مطابق، جمعہ کے روز ان کی طبیعت اچانک خراب ہونے پر معالج سے رابطہ کیا گیا، جس کے بعد ایک ایمرجنسی میڈیکل ٹیم ان کی رہائش گاہ پر پہنچی اور ابتدائی طبی معائنہ کیا۔ بعد ازاں، ڈاکٹروں کے مشورے پر انہیں مزید معائنے اور علاج کے لیے اسپتال لے جایا گیا۔

رابطہ کمیٹی نے پارٹی کارکنان اور عوام سے درخواست کی ہے کہ وہ الطاف حسین کی جلد صحتیابی کے لیے دعا کریں۔

خیال رہے کہ چند روز قبل بھی الطاف حسین کو طبی مسائل کے باعث اسپتال میں داخل کیا گیا تھا، جہاں وہ کچھ دن زیرِ علاج رہے تھے۔