140
وفاقی وزیر منصوبہ بندی احسن اقبال کا کہنا ہے کہ تھوڑے عرصے میں ہی ڈیجیٹل دہشتگردی نے زور پکڑا ہے، ڈیجیٹل دہشتگرد سوشل میڈیا کے ذریعے لوگوں کی ذہنیت خراب کررہے ہیں۔
ایک تقریب سے خطاب کرتے ہوئے ان کا کہنا تھا کہ فیک نیوز معاشرے میں نفرت پھیلانے کا سبب بن رہی ہیں، اسلام نے نفرت اور لڑائی جھگڑے سے منع کیا ہے، لوگوں میں رنگ، نسل اور زبان کی تفریق معاشرتی ثقافت کی بنیاد پر ہونی چاہیے۔
وفاقی وزیر کا مزید کہنا تھا کہ معیشت کی مضبوطی کیلئے پالیسیوں کا تسلسل ناگزیر ہے۔
دوسری جانب وزیراعظم شہباز شریف کا کہنا ہے کہ ہم نے آئی ایم ایف کی تمام شرائط پوری کردی ہیں، بڑی کڑی شرائط تھیں، کچھ شرائط کا تعلق چین سے تھا، چین نے دوبارہ ہاتھ پکڑا اور ماضی کی طرح تعاون کیا۔
وزیراعظم شہباز شریف نے کہا کہ اجتماعی کاوشوں سے حکومت اور اداروں نے ملکر معاشی چیلنجز کو قبول کیا، رات دن محنت سے معاشی اشاریوں میں بتدریج بہتری آ رہی ہے۔
