7
ٹھٹہ، وزیر مملکت برائے مذہبی امور و بین المذاہب ہم آہنگی، کھیئل داس کوہستانی پر مبینہ حملے کے الزام میں سندھ ترقی پسند پارٹی کے ضلعی صدر، سید جلال شاہ کو حراست میں لے لیا گیا ہے۔
پولیس ذرائع کے مطابق مکلی میں کارروائی کرتے ہوئے جلال شاہ کے گھر پر چھاپہ مارا گیا اور انہیں گرفتار کر لیا گیا۔ اس واقعے پر سرکاری مدعیت میں مقدمہ درج کر کے جلال شاہ سمیت سات افراد کو نامزد کیا گیا ہے۔
مقدمے میں دفعات میں راستہ روکنے، سرکاری کام میں مداخلت اور عوامی مقام پر بدسلوکی شامل کی گئی ہیں۔
یاد رہے کہ ایک روز قبل مسلم لیگ (ن) سے تعلق رکھنے والے وفاقی وزیر کی گاڑی پر ٹھٹہ میں پتھراؤ اور لاٹھیوں سے حملہ کیا گیا تھا، خوش قسمتی سے وزیر مملکت کھیئل داس کوہستانی اس واقعے میں محفوظ رہے۔
