250
مزدوروں کے حقوق کے تحفظ کے لیے کم از کم تنخواہ کا نوٹیفکیشن جاری کردیا گیا۔
کراچی، سندھ حکومت کی جانب سے مزدوروں کے حقوق کے تحفظ کے لیے کم از کم تنخواہ کا نوٹیفکیشن جاری کردیا گیا ہے۔
جاری کردہ نوٹیفکیشن کے مطابق یکم جولائی 2024ء سے صوبے بھر کے صنعتی اور تجارتی اداروں میں کم از کم اجرت 37,000 روپے ماہانہ مقرر کی گئی ہے۔
سندھ حکومت کا یہ فیصلہ وزیراعلیٰ مراد علی شاہ کی منظوری سے کیا گیا ہےاور خواتین مزدوروں کو بھی مردوں کی طرح برابر تنخواہ دی جائے گی۔
سندھ حکومت کے مطابق اگر کسی ادارے میں پہلے سے زیادہ تنخواہ دی جا رہی ہے تو وہ پہلےکم نہیں کی جائے گی، اور تمام ادارے اس نوٹیفکیشن پر عمل کرنے کے پابند ہوں گے۔
سندھ حکومت کی جانب سے جاری کردہ نوٹیفکیشن کا مقصد مزدوروں کی زندگی میں معاشی مسائل کو کم کرنا ہے۔
