چوہدری شافع حسین کی معروف مذہبی سکالر ڈاکٹر ذاکر نائیک سے ملاقات، اسلامی تعلیمات کے فروغ اور دیگر امور پر بات چیت۔
صوبائی وزیر صنعت و تجارت چوہدری شافع حسین نے معروف مذہبی سکالر ڈاکٹر ذاکر نائیک سے مقامی ہوٹل میں ملاقات کی۔
جس میں فلسطین کی صورت حال، پاکستان میں پیس ٹی وی کی بحالی اور اسلامی تعلیمات کے فروغ اور دیگر امور پر بات چیت کی گئی۔
دونوں رہنماوں کی جانب سے فلسطین کی صورتحال پر گہری تشویش کا اظہار کیا گیا۔
اس موقع پر صوبائی وزیر صنعت و تجارت چوہدری شافع حسین کا کہنا تھا کہ عالمی برادری کو فلسطینیوں پر اسرائیلی مظالم رکوانے کے لئے اپنا کردار ادا کرنا چاہیے۔
ان کا مزید کہنا تھا کہ اسلامی تعلیمات کی ترویج میں پیس ٹی وی کا کردار لائق تحسین ہے حکومت پیس ٹی وی کو کیبل نیٹ ورک پر بحال کرے گی۔
چوہدری شافع حسین نے معروف مذہبی اسکالر ڈاکٹر ذاکر نائیک کی دینی خدمات کو سراہا، ڈاکٹر ذاکر نائیک نے صوبائی وزیر صنعت و تجارت کے ہمراہ آئے طلبہ کے سوالوں کے جواب بھی دئیے۔
