355
صوبہ خیبرپختونخوا میں ڈیپوٹیشن پر آنیوالے ملازمین نے واپس جانے سے انکار کر دیا۔
ذرائع کا کہنا ہے کہ 5 سالہ مدت پوری کرنے کے بعد بھی ڈیپوٹیشن پر آنیوالے ملازمین واپس نہیں جا رہے، 5 سال مدت پوری ہونے کے بعد ڈیپوٹیشن ملازمین متعلقہ محکمے کو واپس ہو جاتے ہیں۔
اسٹیبلشمنٹ ڈویژن کا کہنا ہے کہ متعلقہ محکموں میں واپس نہ جانیوالے ملازمین کیخلاف کارروائی کی جائے، وفاقی حکومت سے ڈیپوٹیشن پر خیبرپختونخوا آنے والے تمام ملازمین کی تنخواہیں بند کی جائیں۔
وفاقی محکمہ اسٹیبلشمنٹ کی ہدایت پر کے پی حکومت کی جانب سے اعلامیہ جاری کر دیا گیا ہے اور یہ اعلامیہ سینئر ممبر بورڈ آف ریونیو، ایڈیشنل چیف سیکرٹری پی اینڈ ڈی کو ارسال کیا گیا جبکہ تمام کمشنرز سمیت دیگر متعلقہ افسران کو بھی ہدایات جاری کر دی گئی ہیں۔
دوسری جانب لاہور ہائیکورٹ نے سابق وزیراعلیٰ پنجاب چودھری پرویز الہٰی کا نام ایگزٹ کنٹرول لسٹ سے نکالنے کا حکم دے دیا۔
