علی امین نے سلمان اکرم اور شیر افضل کے درمیان سیز فائر کرا دیا

تازہ ترین خبروں اور تبصروں کیلئے ہمارا وٹس ایپ چینل جوائن کریں

وزیر اعلیٰ خیبر پختونخوا علی امین گنڈا پور کی جانب سے سیکرٹری جنرل پی ٹی آئی سلمان اکرم راجہ اور رکن قومی اسمبلی شیر افضل مروت کے درمیان سیز فائر کرا دیا گیا۔

تحریک انصاف کے ذرائع کا بتانا ہے کہ سلمان اکرم راجہ اور شیر افضل مروت کے درمیان اختلافات کے معاملے پر وزیراعلیٰ علی امین گنڈا پور نے دونوں رہنماؤں سے رابطہ کیا۔

latest urdu news

ذرائع کے مطابق وزیراعلیٰ علی امین گنڈاپور کی جانب سے دونوں رہنماوں کو تحمل کا مظاہرہ کرنے کی تلقین کرتے ہوئے کہا گیا کہ میڈیا پر ایک دوسرے کے خلاف بیانات سے پارٹی کو نقصان ہوگا۔

ذرائع کا بتانا ہے کہ وزیراعلیٰ علی امین گنڈاپور کا کہنا تھا ایک دوسرے کے خلاف بیانات کا فائدہ مخالفین کو ہوگا جبکہ ممبر قومی اسمبلی شیر افضل مروت نے وزیراعلیٰ کے پی کو اپنے تحفظات سے بھی آگاہ کیا۔

ذرائع کے مطابق وزیراعلیٰ خیبر پختونخوا کی مداخلت پر دونوں رہنماؤں نے ایک دوسرے کے خلاف بیانات نہ دینے کی یقین دہانی کرائی۔

پی ٹی آئی رہنما شیر افضل مروت کی جانب سے وزیر اعلیٰ علی امین گنڈاپور کے رابطے کی تصدیق کرتے ہوئے کہا گیا کہ چند روز پہلے علی امین گنڈاپور نے رابطہ کیا تھا۔

شیر افضل مروت نے کہا کہ وزیراعلیٰ پختونخوا علی امین گنڈاپور نے سیز فائر کرنے کا کہا۔

یاد رہے کہ چند روز پہلے شیر افضل مروت اور سلمان اکرم راجہ نے میڈیا پر ایک دوسرے کے خلاف بیانات دیے تھے جس پر بانی پی ٹی آئی و سابق وزیراعظم عمران خان کی ہدایت پر پارٹی نے شیر افضل مروت کو شوکاز نوٹس بھی جاری کیا تھا۔

latest breaking news in urdu

شیئر کریں:
frontpage hit counter