91
ملتان موٹروے روڈ پر کار اور ٹرک کے درمیان تصادم کے نتیجے میں 4 افراد جاں بحق ہوگئے۔
سکھر، ملتان موٹروے پر تیز رفتار کار ٹرک سے ٹکرا گئی، افسوسناک حادثے کے نتیجے میں خاتون سمیت 4 افراد جان کی بازی ہار گئے جبکہ 1 خاتون زخمی ہوگئیں۔
سکھر پولیس کا کہنا ہے کہ حادثہ سکھر ملتان موٹر وے ایم فائیو پر دادلو کے قریب پیش آیا کہ جہاں ملتان جانے والی کار تیز رفتاری کی وجہ سے بے قابو ہوکر ٹرک سے جا ٹکرائی۔
پولیس کا کہنا ہے کہ حادثے میں کار میں سوار خاتون سمیت 4 افراد جاں بحق ہوگئے جبکہ 1 خاتون شدید زخمی ہوگئی ہیں۔
پولیس کے مطابق کار سوار افراد کی ابھی شناخت نہیں ہوسکی ہے تاہم زخمی اور لاشوں کو ایمبولینس کے ذریعے قریبی ہسپتال منتقل کردیا گیا ہے۔
