12
لاہور، بانی پی ٹی آئی و سابق وزیراعظم عمران خان نے 9 مئی کے 8 مقدمات میں ضمانت کے لیے لاہور ہائیکورٹ سے رجوع کر لیا۔
سابق وزیراعظم عمران خان نے جناح ہاؤس حملہ کیس و دیگر مقدمات میں درخواست ضمانت دائر کی۔
درخواست میں مؤقف اختیار کیا گیا کہ 9 مئی والے دن وفاقی دارالحکومت اسلام آباد میں نیب کی تحویل میں تھا، سیاسی انتقام کے لیے سازش کا الزام لگا کر مقدمات میں نامزد کیا گیا ہے، 2 سال سے مقدمات کا سامنا کر رہا ہوں، انتقامی کارروائی کی جا رہی ہے۔
درخواست میں استدعا کی گئی ہے کہ لاہور ہائیکورٹ 8 مقدمات میں ضمانت منظور کر کے رہائی کا حکم دے۔
واضح رہے کہ لاہور کی انسداد دہشتگردی عدالت نے عمران خان کی ضمانت کی 8 درخواستیں مسترد کردی تھیں، عمران خان پر صوبائی دارالحکومت لاہور میں 9 مئی کے کل 12 مقدمات درج ہیں، سابق وزیراعظم کی 4 مقدمات میں ضمانتیں منظور ہو چکی ہیں۔
