بالی وڈ اداکار جان ابراہم کا کہنا ہے کہ بھارت میں خواتین اور بچے حتیٰ کہ جانور بھی محفوظ نہیں ہیں۔
یاد رہے کہ ایک ہفتے پہلے بھارت کے شہر کلکتہ میں ایک 31 سالہ لیڈی ٹرینی ڈاکٹر کی لاش میڈیکل کالج کے کمرے سے ملی تھی۔
لاش کے پوسٹ مارٹم میں خاتون ڈاکٹر سے زیادتی کی تصدیق کی گئی تھی، جس کے بعد مختلف ہسپتالوں میں ڈاکٹروں نے اپنی ڈیوٹی کرنا چھوڑ دی تھی اور بڑے پیمانے پر مظاہرے بھی کیے گئے تھے۔
اِس وقت بالی وڈ سمیت دیگر شعبوں سے تعلق رکھنے والی شخصیات افسوناک قتل کے خلاف سخت احتجاج کررہے ہیں، بالی وڈ اداکار جان ابراہم نے بھی حال ہی میں ایک پوڈ کاسٹ میں بھارت میں خواتین سے ہونے والے زیادتی کے واقعات پر گفتگو کی ہے۔
بالی وڈ اداکار کا یہ کہنا تھا کہ بھارت میں خواتین، بچے اور جانور بھی محفوظ نہیں ہیں، یہ بہت افسوس کی بات ہے۔
جان ابراہم کا یہ کہنا تھا کہ بھارتی مردوں کو یہ سمجھنے کی ضرورت ہے کہ خواتین کے ساتھ کیسا برتاؤ کرنا چاہیے اور یہ بہت ضروری ہے، ہر عورت کیلئے ایک آدمی کو اسکا محافظ ہونا چاہیے کیونکہ میں ہندوستان سے پیار کرتا ہوں۔
بالی وڈ اداکار جان ابراہم کا یہ کہنا تھا کہ میں بھارت سے پیار کرتا ہوں اور بہت اہم ہے کہ میں بھارت پر تنقید کروں، حب الوطنی اور جنگوازم میں فرق ہے، میرا بھارت مہان کہنے سے آپ بھارت لور نہیں بنتے، آپ جب ہی بھارتی لور بنیں گے جب آپ سب سے پہلے سوسائٹی میں تبدیلی لائیں گے۔
