28
فرنٹیئر کور (ایف سی) حکام نے سرحدی باڑ عبور کرکے غیر قانونی طور پر پاکستان میں داخل ہونے والے 50 افغان بچوں کو افغان حکام کے حوالے کر دیا۔
ایف سی ذرائع کے مطابق طورخم سرحدی گزرگاہ کے قریب 50 افغان بچے اور بچیاں سرحدی باڑ عبور کرکے پاکستان میں داخل ہو گئے تھے، جنہیں پولیس نے تحویل میں لے لیا تھا۔
ذرائع کا کہنا ہے کہ قبائلی عمائدین کی درخواست پر ان بچوں کو ڈی پورٹ کرکے طورخم سرحد پر افغان حکام کے حوالے کر دیا گیا ہے۔
ایف سی ذرائع کے مطابق افغان بچے طورخم کے راستے غیر ملکی اشیاء کی اسمگلنگ میں ملوث پائے گئے ہیں۔
مزید برآں، ایف سی حکام نے افغان حکام سے مطالبہ کیا ہے کہ وہ اپنے بچوں کو سرحدی باڑ عبور کرکے پاکستان میں داخل ہونے سے روکیں۔
