90
میامی، میکسیکن ریفری مارکو انٹونیو اورٹیز ناوا کو ارجنٹائن کے سٹار فٹبالر لیونل میسی سے آٹوگراف مانگنا مہنگا پڑ گیا۔
غیر ملکی میڈیا کا بتانا ہے کہ میکسیکن ریفری کو لیونل میسی سے آٹوگراف مانگنے پر کنفیڈریشن آف نارتھ، سینٹرل امریکا اینڈ کیریبیئن ایسوسی ایشن فٹبال کی جانب سے 6 ماہ کی پابندی عائد کر دی گئی ہے۔
کونکاکاف چیمپئنز کپ کے دوران 19 فروری کو انٹر میامی اور سپورٹنگ کنساس سٹی کے درمیان میچ کھیلا گیا، جسے انٹر میامی نے 0-1 سے جیت لیا۔
اس میچ کے بعد میکسیکن ریفری نے قریبی معذور رشتے دار کیلئے ارجنٹائن کے سٹار فٹبالر سے آٹوگراف کی درخواست کی۔
کونکاکاف کا اس صورت حال کا جائزہ لینے کے بعد کہنا تھا کہ میکسیکن ریفری کی جانب سے ضابطہ اخلاق کیخلاف ورزی ہوئی ہے، جسے ریفری نے تسلیم کرتے ہوئے معافی مانگ لی، تاہم اسے 6 ماہ کی پابندی کا سامنا کرنا پڑے گا۔
