62
سربراہ عوام پاکستان پارٹی شاہد خاقان عباسی کا کہنا ہے کہ پیکا کے ذریعے آزادیوں کا گلا گھونٹنے کی کوشش کی جا رہی ہے۔
ایک بیان میں سابق وزیراعظم شاہد خاقان عباسی کا کہنا ہے کہ جو ملک انٹرنیٹ بند کر دیتا ہو وہاں ترقی نہیں ہو گی، پیکا کے ذریعے آزادیوں کا گلا گھونٹنے کی کوشش کی جا رہی ہے، پیپلزپارٹی اور (ن) لیگ کا اتحاد مفاد کا اتحاد ہے۔
دوسری جانب لندن میں پریس کانفرنس کے دوران سابق وزیر خزانہ مفتاح اسماعیل کا کہنا ہے کہ بانی پی ٹی آئی و عمران خان کی اپیل پر اوورسیز پاکستانیوں نے پیسہ بھیجنا بند نہیں کیا، پاکستان میں افراط زر میں کمی آئی ہے مگر مہنگائی مزید بڑھی ہے، شہباز شریف صرف اپنی کرسی بچانے کے لیے بیٹھے ہیں۔
اسکے علاوہ پشتونخواہ ملی عوامی پارٹی کے سربراہ محمود خان اچکزئی کا کہنا ہے کہ پیکا ایکٹ کے تحت 3 سال جیل اور 6 لاکھ روپے جرمانہ عائد ہوگا، عوامی مینڈیٹ چوری کرنے کی پھر سزا کیا ہوگی؟
