74
سینیٹر فیصل واوڈا نے بانی پی ٹی آئی کیلئے ڈیل کی خبروں کی تردید کر دی۔
اسلام آباد: سابق وزیر اور سینیٹر فیصل واوڈا نے کہا ہے کہ پروپیگنڈے کے معاملے میں پی ٹی آئی کو کوئی شکست نہیں دے سکتا۔
تفصیلات کے مطابق اپنے ایک بیان میں فیصل واوڈا نے کہا کہ اگر بانی پی ٹی آئی کا ملٹری ٹرائل ہوا تو یہ حیران کن نہیں ہوگا۔
انٹرویو کے دوران ایک سوال کے جواب میں انہوں نے کہا کہ اگر نواز شریف نے (ن) لیگ میں شمولیت کی دعوت دی تو وہ معذرت کر لیں گے۔
مزید بات کرتے ہوئے فیصل واوڈا نے کہا کہ عمران خان دروازے کے باہر دیکھ رہے ہیں، انہیں کسی قسم کی ڈیل کی پیشکش نہیں ہو رہی، اور اگر ہوئی تو ایک منٹ میں طے ہو جائے گی۔ انہوں نے مزید کہا کہ پی ٹی آئی اب ٹوٹ کر ختم ہو چکی ہے، لیکن پروپیگنڈے کے میدان میں ان کا کوئی مقابلہ نہیں۔
