98
صوبائی وزیر اطلاعات عظمیٰ بخاری کی کار کو کینال روڈ پر حادثہ پیش آیا ہے۔
لاہور: صوبائی وزیر اطلاعات عظمیٰ بخاری کی کار کو کینال روڈ پر حادثہ پیش آیا۔ مسلم لیگ ن کے ذرائع کے مطابق یہ حادثہ جیل روڑ انڈر پاس کے نیچے پیش آیا، تاہم خوش قسمتی سے عظمیٰ بخاری اس حادثے میں محفوظ رہیں۔
عظمیٰ بخاری پنجاب یونیورسٹی میں وزیر اعلیٰ کی اسکالرشپ کی تقریب میں شرکت کے لیے جا رہی تھیں جب ان کی گاڑی کو حادثہ پیش آیا۔ جی او آر سے پنجاب یونیورسٹی جاتے ہوئے جیل روڑ انڈر پاس کے نیچے یہ حادثہ پیش آیا۔
ذرائع کا کہنا ہے کہ حادثے کے بعد عظمیٰ بخاری نے متبادل گاڑی میں روانگی کی اور وہ تقریب میں شرکت کے لیے پنجاب یونیورسٹی روانہ ہو گئیں۔
