72
میونسپل کارپوریشن اسکینڈل میں بینک ملازمین کے ملوث ہونے کی وجہ سے کیس اینٹی کرپشن کورٹ گوجرانوالہ سے اسپیشل کورٹ لاہورکو منتقل کر دیا گیا ہے۔
گجرات، میونسپل کارپوریشن اسکینڈل میں بینک ملازمین کے ملوث ہونے کی وجہ سے کیس اینٹی کرپشن کورٹ گوجرانوالہ سے اسپیشل کورٹ لاہورکو منتقل کر دیا گیا ہے۔ کیس کی تفتیش ایف آئی اے کا اسپیشل ونگ اینٹی بینک جرائم کرے گا۔
اسپیشل جج اینٹی کرپشن گوجرانوالہ ڈویژن راجہ ضمیر نے گرفتار ملزمان عامر مجید اور رؤف اشرف کی درخواست ضمانت بعد از گرفتاری کی سماعت کے دوران ریمارکس دئیے کہ عبدالفارق کیش مینجر، میمونہ ضفر آپریشن مینجر اور حنا صدر جنرل مینجر بینک آف پنجاب کے ملوث ہونے کی وجہ سے کیس اینٹی کرپشن کورٹ کے قابل سماعت نہیں ہے۔
28 نومبر کو برانچ مینجر بینک آف پنجاب سروس موڑ ملک عرفان بھی گرفتار ہو چکا ہے۔ بینک ملازمین کے ملوث ہونے کی وجہ سے یہ کیس اسپیشل کورٹ لاہور منتقل کیا جا رہا ہے۔
عدالت نے تمام ملزمان کو متعلقہ عدالت سے رجوع کرنے کا حکم دے دیا۔
