106
اسلام آباد، عمران خان کی اہلیہ بشریٰ بی بی کی ترجمان مشعال یوسفزئی اور مریم ریاض وٹو کا کہنا ہے کہ بانی پی ٹی آئی کو پارٹی کے ’’کمپرومائزڈ‘‘ لیڈروں سے زیادہ بشریٰ بی بی پر اعتماد ہے۔
ترجمان بشریٰ بی بی مشعال یوسف زئی اور مریم ریاض وٹو نے برطانوی اخبار گارڈین سے گفتگو کے دوران کہا کہ عمران خان کے قریبی ساتھیوں کا کردار مشکوک ہے، لگتا ہے اپنے فائدے کیلئے دونوں طرف کھیل رہے ہیں، پارٹی رہنما عمران خان کی ہدایات پر پوری طرح عمل نہیں کرتے ہیں۔
ترجمان کا کہنا تھا کہ فائنل کال کے احتجاج والے دن بھی بشریٰ بی بی نے صرف سابق وزیراعظم کی ہدایت اور ان کے مفاد کیلئے کام کیا۔
عمران خان پارٹی قیادت کی طرف سے اپنی ہدایات عوام تک نہ پہنچانے سے مایوس ہیں، سابق وزیراعظم نے بشریٰ بی بی کے ذریعے ہی فائنل کال کا پیغام دیا تھا۔
مشعال یوسف زئی کا کہنا تھا کہ عمران خان کی اہلیہ بشریٰ بی بی کے سیاسی عزائم نہیں ہیں۔
