اسلام آباد، رہنما مسلم لیگ (ن) طلال چودھری کا کہنا ہے کہ تحریک انصاف کے احتجاج کا نتیجہ بھی پہلے جیسا ہوگا۔
میڈیا سے گفتگو کے دوران سینیٹر و رہنما ن لیگ طلال چودھری نے کہا کہ تحریک انصاف نے احتجاج کے باعث غریب آدمی کو ریلیف دلانا نہیں، اسٹیٹ پر چڑھائی کرنی ہے، اسٹیٹ پر چڑھائی کرکے معافی نہیں ملے گی، معافی اپنے گناہوں کی سزا کے بعد ہی ملے گی۔
طلال چوہدری نے کہا کہ تحریک انصاف کے ہر احتجاج کے بعد ایک نئی تاریخ کا اعلان کر دیا جاتا ہے، ایک بار پھر آخری کال دی گئی ہے، ان کے احتجاج کا وہی رزلٹ ہوگا جو پہلے آیا۔
سینیٹر کا کہنا تھا کہ ملک میں معاشی استحکام آ رہا ہے، پختونخوا کا وزیراعلیٰ ہر بار اپنی نوکری پکی کرتا ہے، علی امین گنڈا پور کہتا کچھ اور کرتا کچھ اور ہے۔
طلال چودھری کا کہنا تھا کہ کسی کو معاشی استحکام کو نقصان نہیں پہنچانے دیا جائے گا، بہن اور بھابھی کے درمیان پارٹی پر قبضہ کی لڑائی ہے، کبھی ہیرے کی انگوٹھیاں، کبھی توشہ خانہ کھا جانا کسی سے ڈھکا چھپا نہیں۔
طلال چوہدری کا کہنا تھا کہ تحریک انصاف اندرونی طور پر شدید انتشار کا شکار ہوچکی، تحریک انصاف کا کوئی پرسان حال نہیں ہے۔
دوسری جانب عوامی مسلم لیگ کے سربراہ شیخ رشید نے کہا ہے کہ ملکی سیاست میں رنگینی متوقع ہے، 30 دسمبر سے پہلے اچھی خبریں آئیں گی۔
